Diabierna merdia un pareha turista Italiano a keda asalta dilanti di e beach na Arashi ora cu homber desconoci den un tercel blanco a ranca nan tas bay cu nan pertenencia. E señora a drenta panico pa loke el a pasa aden y a yama Polis pidi asistencia. Patruyanan atento riba caya tabata busca e tercel blanco.
Bon trabou di patruya di Noord a topa cu e auto den area di Alto Vista pa Kudawecha y e chauffeur no kier a para pa autoridad. Asina a subi caminda di santo pa direccion Seroe Janchi e chauffeur riba un velocidad a perde control dal riba un pickup coriendo normal. E personanan den e auto a huy na pia y oficialnan a logra detene uno.
E impacto fuerte riba e pickup cu e persona aden tabatin un dama na estado tras di stuur ambulance a keda solicita pa controla e victima. Polis a tuma datos di e caso y e tercel a keda tuma den beslag. Mientras e pareha turista cu a bira victima di asalto a bay warda pa asina Polis tuma nan declaracion.