BOGOTA, Colombia- Ministerio Publico Colombiano a captura tres homber y un muhe cu tabata forma parti di e banda “Los Tercos” dedica na hortamento di banco na Bogota.
E organisacion criminal tabata wordo lidera pa e pareha “Kathe” y “Betto” cu tabata uza nan yiunan di 2 y 7 aña pa distrae polis.
E banda ta wordo sospecha di comete al menos seis robo den e ultimo tres lunanan den entidadnan financiero di e localidadnan di Chapinero, Kennedy, Usaquén y Engativá. A trabes di camaranan di siguridad, autoridaddnan por a confirma e modous operandi di “Los Tercos”.
E delincuentenan a siña e muchanan menor di edad pa gaña e polisnan pa distrae esakinan pa no lanta sospecha.
E curioso di e caso aki ta cu e pareha aki ya caba tabata den prizon condena na dos aña pa e mesun delito aki na 2015.
Sin embargo, apenas nan a recupera nan libertad na 2017 nan a sigui bek den e mundo criminal. P’esey e hues a dicta huisarrest pa e muhe pa e cuida di e muchanan, mientras cu e hombernan a wordo hiba prizon.
Fuente: https://www.infobae.com