WASHINGTON D.C., Merca – E ex presidente di Merca, Barack Obama y su casa Michelle a cera un acuerdo editorial record cu e cas editorial Pengiun Random House, cu ta premira un buki cada uno, segun un comunicado publica diamars.
Segun Financial Times, e editor, kende no a duna un cifra, lo a ofrece mas di 60 miyon di dollar pa sigura e derecho di e dos obranan.
Si e cantidad aki wordo confirma, lo trata di un di e contractonan mas lucrativo di historia.
E autor Mericano di bukinan policial James Patterson, a firma na 2009, un acuerdo cu segun varios medio lo ascende na e suma di 150 miyon di dollar, aunke a cambio di 17 buki.
E predecesor di Barack Obama, den cas Blanco, George Bush, a haya 10 miyon di dollar pa su memorianan, segun varios medio.
Prome cun’e, e ex presidente Bill Clinton, a ricibi 15 miyon di dollar pa su autobiografia, “My Life.”
Barack Obama ya a publica dos buki, “Dreams of my Father” (1995) y “The audacity of the Wait” (2006), cada uno a bende mas di tres miyon di ehemplar, solamente na Merca.
Incluyendo, prome cu e publicacion di su buki nobo, e exito di su dos obranan anterior, ta convirtie, di leu, den e personahe politico Mericano, cu e mayor recorido editorial. Michelle Obama, di su banda, ya a publica e buki “American Grown” riba hardineria y alimentacion na 2012.
Fuente: RCN Noticias