Durante un ceremonia special cu a tuma luga recientemente na Hilton Aruba Caribbean Resort & Casino, bishitantenan regular di e isla, Christopher y Colleen Legere di Peabody, Massachusetts, a wordo honra pa nan lealtad na e isla. E pareha a bishita Aruba pa prome biaha pa celebra nan luna di miel, y desde e tempo ey nan a regresa bek tur aña, pa e ultimo diesdos añanan consecutivo, semper hospedando na e propiedad na Palm Beach.
Un representante di e Aruba Tourism Authority tabata presente pa asina presenta e pareha cu un plakkaat conmemorativo, declarando nan como Bishitantenan Distingui di Aruba, y ehecutivonan di e resort, Germaine Wever, Grace Chan y Gerente General Hans-Georg Roehrbein a regala nan cu algun recuerdo, incluyendo un tas, pechi y t-shirtnan di Hilton, mientras cu nan a disfruta di un tiki champaña y cos dushi di come.