Pareha haciendo trabao ilegal ta wordo atendi pa polis

Dialuna, pa mas of menos 10’or y 10 di mainta, polis a haya noticia via e groupchat di Whatsapp di districto 2, caminda cu tabata tin un auto ta coriendo rond den e area di Palm Beach cu posiblemente ta comete ladronicia.
Dicho auto a bin resulta un bus color blanco chikito, cu tabata para na un adres na Palm Beach. Mirando cu patruya tabata den vecindario, a bay wak un ke otro.
Na e luga, nan a bin haya e bus, y banda di dje un homber y un muhe. Nan tabata bezig ta hinca un pomp di pool den e auto. Den cuadro di esaki a atende cu nan. E dama, kende tabata e chauffer CMGP a declara cu e ta traha pa un compania di pool. E compania ta di e homber EPR. E homber cu tabata hunto cu e dama JJTP, a declara cu e ta ilegal riba e isla. El a sigui splica cu e tambe ta traha pa e homber y ademas di esey, e no por a mustra ningun documento valido. Den cuadro di esaki, e homber a wordo deteni a base di ley di admision y expulsion. El a wordo mustra riba su derechonan y despues hinca den transportwagen y hiba warda di Noord. E dama CMGP a mustranan cu e si tin su papelnan na ordo. Na warda di polis na Noord, e sospechoso JJTP a wordo pasa pa Warda nos Costa y nan lo tuma encargo di e caso.

Comments

comments