Diadomingo prome cu 2 or marduga polis ta keda informa cu e homber C.Williams conoci pa husticia lo a menasa un persona cu arma di candela na Molen. E sospechoso den un Honda HRV a bandona e sitio bay direccion nort di biaha varios unidad policial a mobilisa pa e sitio y hasta Arrestatie team pa si mester duna un man debi cu e sospechoso lo tin arma di candela segun e yamada telefonico na central di Polis.
E auto mes ta registra na un dama fam C, cu ta un politico hoben cu a subi e lista di partido berde pero ta su pareha tabata cu e auto.
Despues di rato a topa cu e honda den e parkeer plaats di village mall y a rondona esaki. E doño a aparece den un rato y a cuminsa discuti cu polis y insulta, a bay listra su auto pero no a topa cu e arma di candela. E homber C.W tabata compaña cu un tal N. cu ta conoci pa husticia tambe pero no a haya nada for di nan. Polis a presenta na Molen pa papia cu persona cu a mira e sospechoso saca y arma di candela y tuma e denuncia.