LARENCEVILLE, Georgia – Dos hoben Mericano ta wordo sospecha di a mata e welonan di un di nan na un manera brutal. Mientras cu e curpanan descomponi ta drumi den un camber, e hobennan ta tene un fiesta abao den e cas cu amigonan.
E hoben Cassandra Bjorge, di 16 aña y su amigo Johnny Rider (19) for di Larenceville den e estado di Georgia, lo a maltrata e welo y wela di Bjorge, ambos 63 aña bieu, cu entre otro un martiu y un bat. Despues nan a corta nan garganta cu un cuchiu di cushina, segun reportenan diahuebs.
Despues di e asesinato e dosnan a keda varios dia den e cas di e welonan. Nan a invita algun amigo pa un fiesta, sin sa kico ta pasando. Pa por a evita e holo di e curpanan cu tabata descomponiendo den e camber ariba, nan a cera e buraconan di porca di e cas. E mucha muhe eventualmente a admiti segun medionan Mericano, pero su amigo ta keda keto. E dosnan aki tambe tabata tin planea pa mata miembronan di famia di e mucha homber.
E ruman muhe di Rider por a scapa apenas, ora cu el a wordo ataca pa e dosnan aki.
Ora cu agentenan a bay wak den e cas, nan a descubri curpa di e welonan.
Fuente: De Telegraaf