Pareha cu ta afirma di ta Hesucristo y Maria Magdalena ta gana mey millón dollar pa aña cu nan secta

Alan John Miller y Mary Luck, un pareha di Queensland, Australia, ta afirma cu nan ta personificacion bibo di Hesucristo y María Magdalena. Pa e motibo aki nan a funda e secta “Berdad Divino”, cu den e ultimo añanan a hala atencion di autoridadnan.

E homber di 52 aña ta biaha rond mundo cu su casa, di 37 aña, dunando conferencia y siñando e hendenan con nan por alcanza un relacion personal cu Dios di acuerdo cu nan mesun criterianan, cu ta basa riba “control di e emocionnan”.

 

Aunke su afirmación di ta Hesucristo reencarna a escandalisa un gran cantidad di persona, su secta ya ta conta cu mas di 25 mil discípulo y anualmente nan ta haya nada menos cu 500 mil dollar.

E popularidad cu e secta a logra den e ultimo añanan, y e hecho cu Miller ta construyendo un luga aisla pa hospeda su comunidad, ta loke a bati alarma cerca autoridadnan.

Miller a bisa na e canal di television Britanico Sky News cu ainda e tin recuerdo di loke a sosode mas cu 2000 aña pasa. “Mi tin recuerdonan hopi cla di e crucificacion, pero e no tabata asina angustioso pa mi manera cu e tabata pa otronan, manera Maria, kende tabata presente,” el a afirma.

“Ora cu bo ta Dios bo no ta den estado di miedo y bo tin bon control riba e sensacionnan di bo curpa y e nivel di dolor cu bo por absorba,” e Mesiah autoproclama a bisa.

Den su declaracion na e cadena Australiano 7News Spotlight, el a comenta cu “despues di su crucificacion el a yega na conoce Platon, Socrates y varios papa y presidentenan,” y tambe e ta sigura di ta recorda e milagronan cu el a haci.

“Mi a resucita bastante persona, entre nan mi amigo Lazaro, cu ta menciona den Biblia,” el a señala.

Tambe el a bisa su siguidonan pa “no kere mucho e cosnan ey. Por ehempel, ta bisa di mi den Biblia cu mi a separa awa di biña. Esey ta gañamento, mi no a haci esey.”

Comments

comments