MOSCU, Rusia- Un homber y un muhe di e ciudad di Krasnodar, Rusia lo ta presuntamente responabel di e asesinato di 30 persona, pa despues come nan, segun medionan Ruso a informa.
Durante e registro di e cas agentenan a haya shete pakete cu restonan congela di curpanan y 19 fragmento di carni morto, den e frigidarie. Di su banda, e pareha a confesa cu nan a warda partinan di algun di nan victimanan den e frigidiare.
Bisiñanan a bisa cu semper nan tabata haya un holo di Corvalol, un sedante hopi uza na Rusia como tambe personanna ambulante for di e cas di e pareha. Nan a agrega cu tur nan intento di averigua e origen di e holo semper a caba den scandal.
E homber a wordo deteni na comienso di September despues di cu restonan di un muhe a wordo haya den e cas mililtar unda e pareha ta biba. E partinan di e cadaver tabata den un cu tobo.
Dia 11 di September, den un caya di Krasnodar un telefon celular a wordo haya cu tabata tin potretnan pertubador den dje. Riba e imagennan tabata wak un homber, aparentemente e sospechoso, cu a saca potret cu partinan di e curpa di un muhe desmembra.
Segun e informenan, e pareha tabata secuestra, asesina y come nan victimanan desde 1999.
Fuente: http://www.abc.es/internacional/