Diamars atardi na Heng Sheng na Tanki Leendert dos adicto a drenta den e lugar y kier a coy producto y bay sin paga. E adicto hende homber tawata tin un pal’i golf den su man y tawata zwaai cune pa loco den e supermercado.
El a te hasta menasa e dama chines cu ta na estado den e lugar. E dama a keda tur spanta. Polisnan di Noord y Playa a yega mesora na e sitio. E homber a core sconde e pal’i golf den mondi y e adicto hende muher a bandona e sitio.
Polis a atende cu e homber pero a keda nenga di a haci algo malo. Polis a bay wak e sistema di camera den y lugar y a wak tur cos. Polis a bin papia fuerte cu e homber y bise dicon e tin cu gaña.
Door cu polis no a haya nada horta ariba e homber polis a hala su atencion y bise pe bandona e sitio. Polis a bai serca e dama adicto tambe y hala su atencion.