Un pareha di California a muri di COVID-19 cu simannan di diferencia, lagando cinco yiu huerfano, di cual un ta recien naci.
Daniel y Davy Macias a pasa 18 luna ta hopi cauteloso cu COVID-19. Nan tabata limpia e superficienan, ta baña despues di trabou y incluso tabata pidi delivery di compranan, pero esey no a evita cu nan a haya e virus.
Davy Macias, un verpleegster di ginecologia na zuid di California, tabata shete luna na estado di su di cinco yiu na inicio di augustus ora cu mester a hospitalis’e cu COVID-19. Daniel Macias tambe a keda infecta cu e virus.
Dokternan a yuda Davy, di 37 aña, pa duna luz adelanta por medio di cesarea mientras e tabata intuba, pero el a fayece prome cu e por a conoce su baby.
Daniel tabata wordo atendí den e mesun hospital ora cu el a tende di nacemento di su yiu muhe. Verpleegsternan a mustr’e potret di e baby, prome cu el a fayece debi na complicacionnan di e virus, menos cu dos siman despues, lagando e baby recien naci sin mayornan ni sikiera a logra dun’e un nomber.
Ora cu hospital a yama pa puntra pa nomber di e baby, Terry Macias, e wela cu awo ta cuida e cinco muchanan, a bisa “mi ta warda mi yiu pa dun’e un nomber”.
Mayornan di e muchanan di entre 3 siman y 8 aña bieu, no tabata vacuna.
“E no ta bay cu nan no tabata kier vacuna, pero no a planea esey,” e wela di e muchanan a bisa.
Segun datonan disponibel, tin 1.5 miyon mucha a keda huerfano a causa di COVID-19.