Diahuebs anochi centro di alarma 911 ta haya un yamada cu un homber di riba bou 55 aña a sak den otro na parti pariba di e pista di karting situa na Bushiri. A mobilisa dos unidad di ambulance cu urgencia e hendenan mes a cuminsa cu reanimacion maske nan tabata den panico. Un di tres unidad di ambulance tambe a presenta debi cu tabata cerca, y asina tur e personalnan a duna un man cada un a haya tanto minuut pa cu e practica di reanimacion, a shock e persona mas cu 5 biaha pa haya pulso.
E minuut di reanimacion ta casi 1 ora, e paramediconan aki no a give up, nan a keda reanima, a saca e cama di biaha y a opta pa bay hospital, mientras cu ta lante y core cu e cama pa hinca e homber den ambulance a keda reanime.
A notifica Hospital di biaha cu ta biniendo cu e turista mericano di no mas bieu cu 55 aña cu despues cu el a caba di core a bira malo sak den otro y stop reacciona.
Paramediconan a yega hospital bou reanimacion, na eerste hulp dokternan a sigui y a shock e curpa algun biaha y injecta cu medicamento pa stimula e curason di bati bek y ta asina a logra haya pulso.
Esaki sigur a trece un alegria na e paramediconan cu a reanima te cu final pa salba un bida.
Palabra di tremendo trabou na tanto centro di alarma cu a mobilisa ambulancenan cu urgencia y paramediconan pa nan tremendo esfuerso.
