E cantante Colombiano ta entre e artistanan y politiconan vincula den e scandal di paraiso fiscal.
Shakira, cu ta biba na Barcelona cu su casa, e futbolista di Barcelona, Gerard Pique y nan dos yiunan, ta biba oficialmente na e paraiso fiscal Bahamas, segun e Paradise Papers, cu ta sigura cu e cantante Colombiano a transfer 31,6 miyon euro (36,6 miyon dollar) pa Malta y Luxemburg.
Ta trata aki di placa cu el a haya pa derecho di autor di su canticanan, cu ta gestiona den e dos paisnan aki cu bentahanan fiscal, segun e corant Frances Le Monde, un di e medionan cu a participa den e investigacion di “Paradise Papers”.
Ezequiel Camerini, un di e abogadonan di Shakira, a aclarea cu su cliente tin un propiedad na e isla di Bahamas, desde 2004.
“E siguiente añanan e mester a biaha sin stop y a pasa gran cantidad di tempo den diferente pais. Como parti si su gira ‘Sale el Sol’, el a duna 110 concierto rond mundo”, segun Camerini.
E corant a señala tambe cu Shakira ta pasa un tempo largo na Merca, unda e ta participa den e programa ‘The Voice”.
Poco prome cu su nomber a aparece vincula cu “Paradise Papers”, Shakira a anuncia, cu pa motibonan medicio, e ta cancela su prome concierto di su gira mundial “El Dorado”, cu tabata planea pa diahuebs den e ciudad Aleman di Colonne.
Fuente: https://www.infobae.com