Un bautismo di uniform a tuma luga recientemente na Paradise Beach Resort pa asina introduci e ekipo di baseball di Aruba Jrs, kendenan ta participando den e torneo local actualmente, na nan uniformnan nobo.
Aruba Jrs., un ekipo di diescuater hungado, entre 11 pa 13 aña di edad, ta disfruta di e guia di 3 coach dedica, y e sosten di hopi mayor y miembro di famia kendenan na e ocasion aki a bin pa apoya e ekipo bisti cu nan uniform nobo.
Gerente General Freddy Albertus a splica cu 3 di e hobennan hungando pa e Aruba Jrs ya caba a wordo selecta pa e ekipo nacional di Aruba cu lo participa den un Torneo di U12 World Series na Nicaragua.
Albertus tambe a bisa cu esaki ta e prome ekipo cu e resort a yega di sponsor, y ta dun’e hopi placer pa por sirbi e comunidad na e manera aki, y asina percura pa e muchanan ta ocupa y no ta riba caya durante e oranan di atardi.
E uniformnan orguyosamente ta carga e logo di Paradise Beach Villas riba nan lomba. E logo a wordo bautisa cu bubbles den presencia di e hungadonan, nan coach, e madrina di e ekipo y nan mayornan.
Bolo y co’i bebe a wordo sirbi despues di e ceremonia cortico, cortesia di e resort. E honor pa corta e bolo a bay na un di e mamanan di e ekipo y Gerente General Albertus.