Diabierna awo 9 di Februari 2018, muchanan di Colegio Laura Wernet-Paskel na Kadushi Largo pa di su 39 aña ta celebra nan Carnaval cu un parada conhunto cu participantenan di varios scolnan di bario di Santa Cruz.
E aña aki e parada lo sali 5’30or di atardi for di parkeerplaats di Colegio Laura Wernet Paskel. E parada ta bira na e crusada di Sero Compa y Kadushi Largo bai pariba direccion Angochi y ta lora despues pa termina e parada riba e veld di Sportboys Club.
Tur aña muchanan di diferente scolnan di cuido, preparatorio y scolnan basico ta participa na nos parada di Carnaval.
E aña aki ta participa: Curason contento Speelschool cu tema Emoji, Cacique Macuarima Basisschool cu tema Super Heroes, Maria Basisschool cu tema Emoji y tambe pa prome biaha alumnonan di De Schakel cu tema Fur & Colored. Nos ta agradecido na e scolnan cu ta engrandese nos parada.
Colegio Laura Wernet-Paskel tin como tema e aña aki ‘Monumentonan di Aruba, entre otro ‘E CAS GEEL, WILLEM de III TOREN, Y NOS FAMOSO CALIFORNIA LIGHTHOUSE. Musica lo ta na encargo di diferente discoteca.
Un y tur ta keda cordialmente invita pa bin presencia e grandioso parada di e muchanan di Colegio Laura Wernet-Paskel y di otro scolnan