Atletanan Paralimpico, Yurwin Gomes, Gregory Cheong y Elliott Loonstra a clasifica pa e Weganan ParaPan Americano na Lima, Peru e aña aki.
Tur tres Para- atleta lo representa Aruba internacionalmente den nan respectivo deporte. Para-atleta Yurwin Gomes lo competi den Para-atletismo den e disciplinanan di 100m y 200m sprint. Yurwin Gomes a logra su cualificacion den october, 2018 na e competencia di Abiertos Nacionales na Baranquilla, Colombia.
Para-atleta Gregory Cheong lo competi den Para- Powerlifting den categoria te cu 80kg. Gregory Cheong a logra su cualificacion na december, 2018 na e competencia di World Para Powerlifting Americas Open Championship.
Para-atleta Elliott Loonstra lo competi den Para-Taekwondo den categoria K44 +75kg. Elliott Loonstra a logra su cualificacion na juni, 2018 na e competencia di Pan Am Para Taekwondo US Open Championship na Washington, USA.
Hopi pabien na Yurwin, Gregory y Elliot cu nan cualificacion pa e weganan ParaPan