Papiamento como idioma di Instruccion den Enseñansa ta pa proteha nos idioma papiamento

Aña 2018 a wordo dedica na papiamento y Aña di Papiamento. E tabata un aña, den e sentido ey, un aña exitoso, pa un acuerdo di cooperacion pa loke ta papiamento di Corsou. Minister di Enseñansa, Sr. drs. Rudy Lampe ta elabora ariba esaki.

Proximamente ministernan di Enseñansa di Corsou y St. Maarten lo bin Aruba, pa nan amplia e acuerdo di cooperacion aki, unda cu gobierno tambe lo participa. Despues na februari, e minister di enseñansa di Hulanda lo ta na Corsou, unda cu lo forma un Papiamentse Taal Unie Covenant. Ta trata aki di un protocol, unda cu den tur e islanan di Reino Hulandes, Papiamento ta wordo papia. Y mas tanto e comunidad mas grandi ta na Hulanda. P’esey e ora ey, e minister ta di opinion, cu mirando e hecho cu Nacionnan Uni a declara aña 2019 como Aña di Idioma Nativo, y Papiamento ta cay bou di esaki. Nacionnan Uni ta pidi pa proteha nos idiomanan crioyo. Y e minister ta sumamente satisfecho cu e pasonan cu nan a tuma, y cu lo sigui tuma. Na 2019 lo implementa na tur scol preparatorio di Aruba, e Papiamento como Idioma di Instruccion den nos enseñansa. Na augustus 2019, esey ta bay ta nacional. Tur e decisionnan aki ta bay ta pa cuida y proteha nos idioma den enseñansa.

ORTOGRAFIA OFICIAL
Porfin na 2018, Parlamento di Aruba a aproba e ortografia oficial di Aruba. E buki blauw a bira e buki oficial di e bon skirbimento di papiamento. Y e departamento di Curiculo di Departamento di Enseñansa di Aruba, ta esun encarga pa produci materialnan. Y ta p’esey ta importante e acuerdo di cooperacion cu a wordo firma cu e ministerio di Corsou, ya cu ta bay bin un intercambio di materialnan cu nan ta produci, cu Aruba por uza. Y loke ta wordo uza na Aruba, por wordo uza tambe na Corsou. Y uniendo forsa ta haci mas factibel pa tin bon material pa nos enseñansa.

Comments

comments