Paper Cutting un Sistema diferente di proyecta arte

Cu un Solo Expo den Galeria ArtisA San Nicolas

ArubaArtFair2019: Naci na Argentina, Paula Nupieri Domacassé ta conoce su casa, Henry
Domacassé y despues di un largo noviazgo a larga distancia ta dicidi pa casa y ta establece
primeramente na Curacao. 9 anja pasa e pareha aki, a tuma Aruba como e pais di residencia y a enamora totalmente di e calor di su hendenan, e clima y su hospitalidad. Aruba a bira e lugar, na unda su jui Nicole a conoce e luz di dia. Paula ta un fiel participante di Aruba Art Fair y semper e a participa cu su arte unico di ‘Paper Cutting”. E Arte di corta papel ta loke nos por categorisa den e arte di diseňo di papel. Un arte cu a evoluciona di un manera unico mundialmente pa asina adapta su mes na diferente estilo di cada culura. E artista Paula Nupieri Domacassé, desde edad di 6 aňa, a asisti na Insituto Municipal por el Arte en Avellaneda, na unda e la forma su mes den musica, arte plastico, expression, fotografia,
mientras cu e tabata sigui diferente cursonan priva di dibujo. Su curazon semper tabata yega na actuacion y a uni su mes na e formacion di comedia musical di e Instituto Rio Plateado di Hugo Midon y despues a sigui mas den e ramo di actuacion pa TV na Scol di Eliseo Subiela.
Paula, artista nato, multifacetico, a sigui desenvolve su mes den e arte di dibuho y ta durante di un conferencia di TEDEX e la bin discubri atravez di e popular artista Beatrice Coron, e arte di “Paper Cutting” y a dedica su mes den su totalidad na e arte magnifico aki. Creando obranan fantastico den preto y blanco, e artista a haya e forma unico di desenvolve su
mes cu libertad y creatividad. Awendia e artista a evoluciona y ta usando mas y mas e colornan yamativo y impactante pa cu e forma di expression aki. ArtisA, e unico galeria di Arte na San Nicolas ta bisti su mes di gala a ricibi e Solo exhibition di Paula Nupieri Domacassé, e diabierna aki 16 di Augustus, iniciando pa 7 or di anochi te cu 11 di
anochi na unda e artista lo ta live. ArtisA, ta ubica dilanti di La Aruba, banda di Massive Radio, na B v/d Veen Zeppenfeldstraat 14 y lo ta proximamente e cas di Paula Nupieri Domacassé su artenan pa un luna largo. ArtisA, su horarionan ta di 9 or te cu 6 or na unda Aruba en general por bin presencia e arte diferente y alavez yamativo di “Paper Cutting” y asina sa mas tambe di e proximo plannan di Aruba Art Fair 2019 cu lo tuma lugar November, 22, 23, 24, 2019.

Comments

comments