CIUDAD DI VATICANO, Vaticano – Papa Francisco a insisti diadomingo na fielnan pa carga y lesa Bijbel cu asina hopi dedicacion, mescos cu nan ta haci cu nan celular.
Den su alocucion na e fielnan reuni riba un mainta scur riba e plaza di San Pedro di Roma, e pontifice di 80 aña a puntra: “Ki pasa si nos trata e Bijbel mescos cu nos telefonnan celular?”
El a sigui: “Si nos wak atras pa recupera loke nos a lubida? Si nos lesa e mensahenan di Dios den Bijbel manera cu nos ta lesa e mensahenan riba celular?”
Francisco a cualifica e comparacion di “paradox” y a bisa cu e ta pretende di ta un fuente di reflexion, añadiendo cu e lectura di Bijbel lo yuda hende combati tentacionnan di dia pa dia.
Papa ta pose habitualmente pa “selfies” cu peregrinonan cut a audi na su audiencianan semanal cu nan celular, mientras cu su cuenta riba Twitter, na Spaño y na Ingles, tin mas di 23 miyon di siguido.
Francisco a cualifica aña pasa internet, rednan social y mensahenan di texto como “un regalo di Dios” si e wordo uza di forma inteligente.
“No ta tecnologia ta loke ta determina si comunicacion ta of no autentico, sino e curason humano y nos capacidad pa uza cu sabiduria e medionan na nos disposicion,” el a bisa.
Pero na 2015, Francisco a bisa un hoben cu e tin berguensa pa admiti cu e no sa uza computer y lo ta “un desaster” total cu tecnologia. Tambe el a bisa cu telefonnan celular tin cu keda pafo di cenanan familiar y cu muchanan no mester tin computer den nan camber.
Fuente: Reuters