CIUDAD DI VATICANO, Vaticano – Papa Francisco a crea awe den e Basilica di San Pedro di Vaticano, 17 Cardinal nobo, 13 elector y 4 no elector, cu ta suma awo na e miembronan di e Colegio Cardenalicio, na bispo di clausura di e Hubilero Extraordinario di Misericordia.
Den e lista di e cardinalnan nobo ta e arzobisponan di Madrid, Carlos Osoro, di Merida (Venezuela), Baltazar Enrique Porras Cardozo; di Tlalnepantla (Mexico) Carlos Aguiar Retes y di Brasilia (Brasil), Sergio da Rocha.
Procedentenan di Merca, a ricibi e distincion aki e arzobispo di Chicago, Blase J. Cupich y esun di Indianapolis, Joseph William Tobin, mescos cu e prefecto di Dicasterio pa e Laiconan, famia y di bida, Kevin Joseph Farrell.
Tambe e nuncio apostolico (diplomatico Vaticano) na Siria, e Italiano Mario Zenari y e arzobisponan di Malinas-Brussels (Belgica), Jozef de Kesel, di Bangui (Republica Centro Africana), Dieudonne Nzapalainga, di Daca (Bangladesh), Patrick D’Rozario; di Port Louis (Mauritania), Maurice Piat y di Port Moresby (Papua New Guinea), John Ribat.
Esakinan ta e 13 cardinalnan nobo cu lo bay tin derecho na voto den un futuro conclave pa eligi un pontifice nobo.
E cuater cardinalnan cu no por participa na e eleccion door di ta mas cu 80 aña ta e arzobisponan emerito di Kuala Lumpur (Malasia), Anthony Soter Fernandez y di Novara (Italia), Renato Corti, e obispo emerito di Mohale’s Hoek (Lesoto), Sebastian Koto Khoarai y e presbitero di e Archidiocesis di Schkoder-Pult (Albania) e reverendo Ernest Simoni.
E ceremonia a cuminsa cu e saludo di e prome di e cardinalnan nobo, Mario Zenari.
Posteriomente, e papa a pronuncia un homilia ncaminda cu el a critica e indiferencia y a pidi e purpuradonan nobo pa nan “ta misericordioso” cu otro.
“E eleccion, na luga di mantene den lo alto di un monte, den su cumbre, ta hiba na e curason di e multitud , ta pone mey mey di su tormentonan, den e sabana di boso bida (…) Amen, haci bon, bendiciona y roga,” el a bisa.
E ceremonia a sigui cu e promesa di fidelidad realisa pa cada un di e cardinalnan nobo dilanti papa.
Esaki ta e di tercer consistorio di papa Francisco desde inicio di su pontificado na Maart di 2013 y den e ocasion aki, a eligi designa cu biña na 17 cardinal procedente di 11 pais di e cinco continentenan, den un gesto cu ta relaciona cu e “universalidad di iglesia”.
Na e Basilica Vaticano a acudi miles di fiel di tur parti di mundo y tambe delegacion di e paisnan di procedencia di e cardinalnan.
E cardinalnan nobo lo participa diadomingo den e misa cu papa Francisco lo presidi den e plaza San Pedro y cu lo duna pa conclui e Aña Santo Extraordinario di Misericordia cu e ciere di e Porta Santo di Basilica Vaticano.
E santa Sede a splica cu, una bes conlcui e ceremonia, papa y e 16 cardinalnan presente den e acto, e obispo emerito di Mohale’s Hoek (Lesoto), Sebastian Koto Khoarai, no por a biaha pa Roma – nan a bishita papa emerito Benedicto XVI den e Monasterio Mater Ecclesiae di Vaticano.
Fuente: La Tribuna (http://www.latribuna.hn)