CIUDAD DI VATICANO, Vaticano- Diaranson papa Fransisco a ricibi un modelo special di e marca Lamborghini como regalo. E auto color blanco aki lo wordo subasta pa financia cuater proyecto humanitario.
E sumo pontifice a bendiciona e auto, edicion unico di e modelo “Hurricane” y el a firma e hood cu su nomber, segun e agencia AFP.
Aunke cu e auto ta costa 200 mil euro riba mercado (mas di 230 mil dollar), ta ser spera cu e lo wordo cumpra pa hopi mas cu esey. Placa recolecta cu e subasta lo wordo uza pa financia un proyecto di reconstruccion di vivienda, luga di culto y infrastructura publico den e desierto di Ninive, Irak, pa yuda Cristianan cu a huy for di e guerra, pa recupera nan “raiz y nan dignidad”, segun Santa Sede a informa.
Otro di e proyectonan pa cual lo uza e placa recauda lo ta pa un asociasion Italiano cu ta yuda victimanan di e rednan di prostitucion y dos asociasion Italiano activo na Africa, entre cual tin un grupo internacional di ciruhano.
Anteriormente papa Francisco a subasta un brommer Harvey Davidson cu el a haya regalo, tambe pa organisacionnan caritativo.
Fuente: http://www.ntn24.com/