CIUDAD DI VATICANO, Vaticano- Papa Fransisco diamars a haci un apelacion ariba e “presuncion di inocencia” pa rechasa e renuncia di cardinal Frances Philippe Barbarin condena pa husticia pa tapa casonan di abuso sexual. Esaki a enfurece e victimanan cu ta considera e pastoor simbolo di e silencio di Iglesia pa cu pedofilia.
Condena dia 7 di maart na 6 luna di prizon pa no a haci denuncia na husticia pa abusonan sexual cometi contra di menornan pa un pastoor di su diocesis, cardinal Barbarin, e dignatario mas halto di iglesia na Francia, dialuna a wordo ricibi pa papa Fransisco.
Vaticano a confirma via un comunicado cu “santo Papa no a acepta e renuncia presenta pa cardinal Philippe Barbarin”, arsobispo di Lyon desde 2002, cardinal desde 2004.
E cardinal di 68 aña ainda ta arsobispo di Lyon, sperando su proceso di apelacion. No obstante, el a anuncia cu e lo laga e cuestionnan diario na e vicario general Yves Baumgarten, “riba sugerencia di papa” y door cu Iglesia di Lyon ta sufri “desde cue scandal di pedofilia a sacudi iglesia di Lyon tres aña pasa.
E anuncio aki a provoca e indignacion di e victimanan di pedofilia den e diocesis di Lyon. cu a cualifica esaki como “e awa cu a basha e emmer”.
E Conferencia Episcopal di Francia, den un declaracion unda cu, inusualmente, e ta tuma distancia, a expresa di ta sorprendi di un situacion “inedito”.
Na comienso di maart, e proceso di cardinal Barbarin a bira na Francia e simbolo di e crisis di Iglesia relaciona cu pedofilia.