CIUDAD DI VATICANO, Vaticno- E sumo pontifice a manifesta cu e ta “resa pa e nacion stima aki” y a expresa su “cercania cu famianan cu a perde nan yiunan den e manifestacionnan”.
Diadomingo Papa Fransisco a pidi pa un solucion pacifico y democratico na Venezuela, haciendo referencia na e pais Latino americano cu dia 5 di Juli proximo lo celebra su independencia.
“Mi ta haci un yamado pa stop cu e violencia y pa haya un solucion pacifico y democratico pa e crisis”, e pontifice a añadi dilanti di e feligresnan congrega ariba e Plasa di San Pedro.
Dia 8 di Juni ultimo, Papa Fransisco a ricibi e miembronan di e Direccion di Conferencia Episcopal di Venezuela (CEV) forma pa seis obispo.
Vaticano a participa den un mesa di negociacion cu a fracasa y e Papa a haci un yamado na diferente ocasion pa resolve e crisi cu e nacion Caribeño ta bibando aden.
No ta prome biaha cu e papa, despues di a reza e Angelus, ta referi na e situacion na Venezuela, pues dia 2 di April ultimo el a haci un yamado na evita tur tipo di violencia y a boga pa busca solucionnan politico den e pais.
Fuente: www.noticiasrcn.com