Ciudad di Vaticano, VATICANO- Papa Fransisco a habri un laundry nobo pa e vagabundonan por laba y seca nan pañanan.
E laundry, cerca di Vaticano, tin seis wasmashin y dryer.
Diamars, Ciro Guardaccione tabata un di e promenan cu a uza e mashinan nobo. Cu hopi cuidao el a pone su pañanan den e wasmashin y a keda wak’e ta spin.
“Esaki ta algo fantastico, mi kier gradici Papa Fransisco pa tur cos”, el a bisa.
E laundry lo keda habri cuater biaha pa siman y servicionan ta gratis.
Durante su papado, Papa Fransisco a haci un esfuerzo pa yega na e vagabundonan na Roma. Na 2015, Vaticano a habri su prome barberia y duchanan bou di e umbral di Vaticano y tambe a habri shelternan pa esunnan menos afortuna na Vaticano.
Fuente: www.dailytimes.com