Papa Fransisco ta convoca cumbre pa trata abusonan sexual

0

CIUDAD DI VATICANO, Vaticano- Papa Fransisco diaranson a convoca tur e presidentenan di e conferencianan episcopal di mundo. Tema di e conferencia ta pa papia riba e prevencion di abusonan sexual den e institucion religioso. E cumbre lo tuma luga na Vaticano di dia 21 pa 24 di februari 2019.
Segun Paloma Garcia Ovejero, vicerrectora di e oficina di prensa di Vaticano, e pontifice, despues di a scucha e Conseho di Cardinal, a convoca un reunion di presidentenan di e Conferencia Episcopal di henter mundo pa papia di e prevencion di abuso di menornan y adultonan vulnerabel.
Mientras tanto, e sumo pontifice tin un serie di reunionnan planea desde diahuebs cu varios obispo di Merca, despues di e serie di e scandal pa abusonan sexual cu a surgi na e pais Norteamericano.
Segun e plannan, Fransisco a reuni cu e presidente di e conferencia episcopal Mericano, e cardinal Daniel DiNardio, arsobispo di Galveston-Houston, y e cardinal y arsobispo di Boston Sean Patrick O’Malley, cu ademas ta presidente di e Comision Pontificial pa Proteccion di Menor.
Na e encuentro papal lo asisti tambe, e arzobispo di Los Angeles, y e vice presidente di e conferencia episcopal, José Horacio Gómez, y Brian Bransfield, e secretario general.
Di otro banda, diaranson a conclui tambe e reunion oficial di C9: un conseho di nuebe cardinal nombra pa e pontifice pa yud’e den su reformanan papal. Den e ultimo sesion tabata notablemente ausente e cardinal Francisco Javier Errázuriz Ossa, arsobispo emerito di Santiago y uno cu a wordo cuestiona masha hopi mes na Chile pa e scandal di abusonan di menor, scondi door di iglesia di e pais aki; George Pell, cu ta afrontando un huicio relaciona cu abusonan sexual na Australia; y Laurent Monsengwo Pasinya.

Comments

comments