CIUDAD DI VATICANO, Vaticano – Papa Francisco a avansa den un entrevista cu e corant Aleman “Die Zeit” cu den su programa di biahe di e aña aki e lo bishita Colombia, India y Bangladesh, ademas di bay Fatima na Portugal.
Francisco ta mustra riba e detayenan aki ora el a wordo puntra si e tin pensa di biaha pa Alemania na 2017, aceptando e invitacion cu e iglesianan Catolico y Evangelico a haci’e, e presidente di e pais, Joachim Gauck y e canciyer Angela Merkel, pa conmemora e aña Lutero, cu motibo di 500 aniversario di e reforma protestant.
“E lo bay ta dificil e aña aki, tin asina tanto biahe planea,” papa a apunta prome cu el a recorda cu a aña pasa na Suisa e tabata na inicio di e conmemoracionnan.
Puntrando riba si tin, por ta, destinonan mas importante na e momentonan aki, manera Rusia, China of India, e ta descarta un biahe pa Rusia, pasobra e ora e mester bay tambe Ucrania.
“Mas importante lo ta un biahe pa Zuid Sudan, pero mi no ta kere cu e lo ta posibel; incluso a planea un biahe pa Congo, pero e no lo funciona tampoco cu Kabila (presidente di e pais). Ainda ta riba programa India, Bangladesh y Colombia, un dia na Fatima na Portugal y pa loke mi sa, ta pendiente un biahe di estudio na Egipto,” el a splica.
“Parce un calender yen, berdad,” el a conclui.
Papa Francisc ta reconoce su mes tambe como “pecador” y “no infalibel” y a declara su preocupacion pa populismo den democracianan occidental y specialmente na Europa.
“Populismo ta malo y ta caba malo, manera cu a mustra siglo pasa,” Francisco ta afirma, kende ta considera cu e tendencianan aki ta basa riba e utilisacion di personanan, pa nan recuri na argumentonan cu tin cu proteha e identidad di e pueblo.
Papa a bolbe papia di un di tres guera mundial y pa dirigi e mirada, por ehempel na Ucrania, Asia of Irak.
Puntrando si e ta atravesando momentonan riba esnan cu ta duda di e existencia di Dios, e ta responde cu e tambe a conoce “momentonan di bashi” y di scuridad.
Tal crisisnan ta, sin embargo na su huicio, un oportunidad pa crece: “Mi no kier bisa cu e crisis lo ta e pan di cada dia di fe, pero un fe cu no ta atravesa crisis pa crece, e ta mantere su mes infantil.”
Francisco, segun “Die Zeit”, ta wak su mes como un creyente normal: “Mi no ta mira mi mes como un hende extraordinario,” e ta mustra.
“Mi ta pecador y mi no ta infalibel,” el a añadi pa rechasa e culto na e persona di papa.
“Nos no mester lubida cu e idealisacion di un persona ta tambe un especie di agrecion subliminal. Ora mi ta idealiando, mi ta sinti mi mes agredi,” el a señala den e entrevista, celebra Vaticao na fin di Februari.
Papa ta considera problematico e escases di vocacio sacerdotal den hopi pais, manera Alemania y ta kere cu e ta un desafio cu Iglesia mester afronta sin miedo.
Na su huicio, “falta di oracion”, traha cu hobennan cu ta busca orientacion y sirbi e prohimo.
Francisco ta hinca su man pa e necesidad di acerca su mes na e hobennan apesar di e dificultadnan. E ta considera e problematica di escases di vocacionnan sacerdotal den hopi pais, manera Alemania y ta kere cu ta un desafio cu Iglesia tin cu afronta sin miedo.
Fuente: El Espectador