Un Lamborghini Huracan cu Papa Francisco a haya como regalo di e campania na aña 2017 a wordo auctiona pa 900 mil Euro. Esaki ta e prome biaha cu e auto ta wordo bendi, pero esun cu kier a cumpre den un prome instante no por a jega na e suman aki. Despus cu Papa a ricibi e auto aki na 2017 for di Lamborghini, el a bisa cu e no mester di e auto aki. Papa Francisco a pone su firma riba e auto, pero nunca a core den e auto aki. E tabata kier a pone pa subasta y loke e subasta trece aden, esaki lo bai pa un bon causa. Segun vocero di Vaticano un suma di 200 mil Euro lo bai pa traha misa y scolnan na Haiti. Otro 300 mil Euro lo bai pa e fondo na e victimanan di prostitucion y “mensen handel”. Y 200 mil Euro lo bai pa reconstruccion di e cuidad di Niveve na Iraq y e resto di placa lo bai pa donacionnan.