CIUDAD DI VATICANO, Vaticano – Dialuna, papa Francisco a ricibi e presidente di Venezuela, Nicolas Maduro na Vaticano, segun e sala di prensa di e Santa Sede a informa.
Maduro a yega den oranan di atardi na Vaticano unda cu el a wordo ricibi pa papa Francisco “den marco di e preocupante situacion di politica, social y economia cu e pais ta atravesando,” Vaticano a informa.
E detayenan di e reunion no a wordo revela, sin embargo, segun e comunicado di prensa di Santa Sede, papa a exhorta e dialogo entre e partinan “pa alivia e sufrimento di personanan” y promociona un clima di “cohesion social.”
“Di e manera aki, papa, kende tin un curason di bienestar di tur Venezolano, kier continua ofreciendo su contribucion na institucionalidad di e pais y cada paso cu lo yuda na resolve cuestionnan pendiente y construi confiansa entre e partinan,” e comunicado a bisa.
Maduro ta den un “gira relampago den paisnan OPEP y NO OPEP” pa papia riba e stabilisacion di e mercado petrolero y prijsnan di crudo, segun e medio estatal di noticia, VTV, a informa.
E gira ta sosode mientras cu e pais ta bibando un crisis politico pues, diadomingo a biba momentonan di tension den e hemiciclo di Parlamento di Venezuela pa e violento ingreso di simpatisantenan di Gobierno pa impedi un sesion special caminda cu ta discuti vianan proponi pa e Legislativo pa restitui e orden constitucional den e pais.
Durante e sesion extraordinario convoca pa e hunta directiva di e Asamblea Nacional, e mayoria cualifica di e Parlamento, a aproba e proyecto di Acuerdo pa e restitucion di e Constitucion di e Republica, di e orden institucional y democracia.
Den dicho acuerdo ta declara “e ruptura di e orden constitucionan na Venezuela y e existencia di un golpi di Estado, cometi pa e regimen di Nicolas Maduro contra di e Constitucion di e Republica Bolivariano di Venezuela y e pueblo di Venezuela.”
Fuente: CNN en Español