FATIMA, Portugal – Papa Francisco a declara Francisco y Jacinta Marto santo, dia 13 di Mei, e muchanan pastoor vidente di Fatima, na inicio di e misa celebra den e atrium di e sanctuario Mariano y caminda cu a asisti 500 mil fiel, di acuerdo na autoridadnan Portugues.
Di acuerdo cu e rito, e Santo Tata a scucha atentamente e solicitud di Obispo di Leiria-Fatima, Mons. Antonio Augusto dos Santo Marto, pa nan “inscribi e beatonan Francisco Marto y Jacinta Marto den e catalogo di e santonan y como tal, wordo invoca pa tur Cristian.”
Durante e peticion, e Prelado tabata compaña pa e postulador di e causa, e religioso Angela Coelho. Despues cu el a lesa un biografia breve di e dos rumannan chikito cu, na 1917, hunto cu nan prima Lucia – actualmente Siervo di Dios – tabata testigo di e seis aparicionnan di la Birgen Maria den e localidad Portugues aki.
Asina, despues di e letaina di e santonan, Papa a procede na recita e formula di canonisacion: “Na honor di e Santisima Trinidad, pa exaltacion di e fe catolico y e incremento di e bida cristian, cu autoridad di Nos Señor Hesucristo, di e Santo Apostolnan Pedro y Pablo y esun di Nos, despues di reflexiona largo, implorando varios biaha e ayudo divino y a scucha e parecer di hopi di nos rumannan den e Episcopado, nos ta declara y defini como Santo, e Beatonan Francisco Marto y Jacinta Marto y nos ta inscribi nan den e Catalogo di e Santonan, estableciendo cu, den henter Iglesia, ta devotamente honra entre e santonan. Den nomber di Tata y di Yiu y di Spirito Santo.”
Tras e gradicimento di Mons. Dos Santos Marto, e multitud reuni pafo di e Santuario di Nos Señora di Fatima a aplaudi.
Prome cu e Misa a cuminsa, e imagen di la Birgen di Fatima a drenta den procesion transporta pa e cadetenan di e Academia Militar.
Tambe, a ingresa e dos lampinan cu ta contene e relikianan di Francisco y Jacinta, transporta pa e postulador, e seour Angela Coelho y pa e consultor di e postulacion, Pedro Valinho, compaña di mas of menos un 20 mucha y adolescente di entre 9 y 16 aña.
E imagen di la Birgen y e relikianan a wordo ubica na man drechi di e altar. E Eucaristia a wordo concelebra pa 8 cardenal, 74 obispo y arzobispo.
Durante su homilia, Papa a sigura cu Maria, “premirando y advirtiendo riba e peliger di infierno” cu ta hiba un bida sin Dios, a aparece na Fatima na tres pastoor chikito pa “recorda nos e Luz di Dios cu ta biba den nos y ta cubri nos.”
Pues “Fatima ta vooral e manto di Luz aki cu ta cubri nos, mescos cu aki como den cualkier otro parti di Tera, ora nos ta refugia bao di e proteccion di La Birgen Mama pa pidi’e, manera cu e Salve Regina, ta siña nos, “Mustra nos Hesus,” el a afirma.
Papa a corda e fielnan cu “nos tin un Mama” y cu el a exhorta na afera na dje como yiu. Ademas, a destaca cu den e celebracion di diasabra “nos a reuni akinan pa duna danki pa e bendicionnan inumerabel cu Shelo a derama den e shen añanan aki ”di aparicion” y cu a transcuri bao di e manto di Luz cu la Birgen.”
Fuente: www.aciprensa.com