PARIS, Francia- Ministerio di Interior a confirma e alarma falso den e parke di atraccionnan, caminda cu un gran cantidad di bishitante a drnta den panico y tabata protagonista di un estampida.
E bishitnatenan di Disneyland na Paris no solamente a wordo evacua di e zona y nan no a wordo permiti di sali for di e edificionan y restaurantnan, mientras tin presencia di soldaatnan den e caya despues di tabata tin un zonido fuerte den e parke.
Testigonan a graba videonan y a saca potret unda cu por mira personanan tabata core den panico y tabata sconde den e cafenan y edificio den e parke di atraccionnan.
Riba Twitter a aparece mensahenan di bishitantenan cu a sigura di a skucha un explosion den e parke. Sin embargo, varios persona a haci un yamada pa keda calmo, splicando cu algo a sosode cu e roltrapnan, cual a produci un zonido duro cu a desata panico entre e bishitantenan. Desde e Ministerio di Interior a confirma e alarma falso den e parke di atraccion.
E medio Frances ACTU 17 a informa di cu algun persona a resulta herida durante e momentonan di panico.