E studiantenan di prome aña di e programa “Social Work & Development” tabatin un panel hopi special cu a elabora riba nan trayectoria riba tereno social. Den e modulo di “Introduccion den trabou social” e studiantenan ta ricibi informacion di e oportunidadnan pa un carera cu tin aki na Aruba. Pa haci esaki mas cerca di e practica a invita un panel diversifica cu ta inclui un trahado social cu hopi aña den e tereno, uno cu algun aña di experiencia y cu alabez ta un graduado di Univerisidad di Aruba y un trahado social masculino. E panelistanan a comparti e proceso a trece nan unda nan ta awe, e contenido di nan trabou, kico ta e retonan cu nan ta encontra den e profesion y kico ta inspira nan.
Un cos tabata comun entre panelistanan, esta cu escohencia pa un profesion no tur ora ta un proceso facil. Specialmente na un edad hoben unda ainda e studiante por ta duda kico lo ta pas mas cu ne. E profesion di trahado social hopi biaha ta un yamada, sea nan a haya e yamada for di tempran caba nan a haya e yamada despues di a compronde kico e profesion ta ensera. E deseo pa nifica algo den e calidad di bida di otronan ta loke finalmente ta duna e siguransa cu e profesion aki ta pa nan.
Universidad di Aruba ta gradici sra.Madeline Doulabi-Ridderstap, sr. Rhomyko Winklaar y srta. Yorenne Arends pa nan autenticidad como persona y trahado social durante nan presentacion.