Diabierna atardi, ITF conhuntamente cu Beach Tennis Aruba a haci e apertura oficial di e Panamerican Championship pa e aña aki. Cu presencia di 10 pais, un total di mas cu 50 hungado, tabata presente. Tur esunnan presente por a sinti caba con e ambiente lo ta bay ta.
E anochi a habri cu un rueda di prensa, caminda representante di Beach Tennis Aruba, Sr. Sjoerd de Vries, a yama Bon Bini na tur presente, como tambe na tur participante, kende nan ta super bon prepara pa duna bataya. Tambe a hiba palabra, e referee principal pa ITF, Massimo, Eugemine “Pina” Ignacio, a lanta tur hende fei soño, informando na tur presente cu ARUBA t’ey Pa Venezuela, Ramon, kende no ta desconoci den e deporte aki, a remarca cu pa loke e la bin ta wak e ultimo dos dia nan aki, e nivel di e pais nan a subi basta. Pa Aruba Lawn Tennis Bond, Sr. Ronny Tchong tambe tabata presente y por ultimo, Sra. Sheidy Dijkhoff – Feliciano, sigur a dirigi su mes na esunnan cu ta bishitando, pa asina bisa nan con importante nan presencia ta pa nos isla.
Pa a duna inicio oficial na e weganan Panamericano, e ekiponan di Ecuador, Chile, Puerto Rico, Colombia, Corsou, USA, Venezuela, Argentina, Brasil y e team local di Aruba tabata bon representa.
Un atmosfera increibel, cu presencia di bastante siguido di e deporte di Beach Tennis, cu unicamente a sigura tur presente, cu e aña aki un biaha mas, nan por spera hopi ambiente riba veld y pafo di e veld
E prome weganan lo cuminsa diabierna mainta pa 9or y atardi lo cuminsa bek desde 5or te den anochi. Diasabra mainta 9or e weganan lo continua y lo cuminsa bek den atardi pa 4or. E semi- final nan lo tuma luga diadomingo pa 10or y tur e dianan y orario nan menciona lo tuma luga na Tropicana Beach Tennis Club. Diadomingo atardi pa 4or lo cuminsa e finalnan, cuminsando cu e hubenil, sigui pa final di doubles female, doubles male y e anochi lo termina cu e final di mix doubles
Nos kier a invita pueblo di Aruba pa bin presencia e wega nan y apoya nos ekipo local