CIUDAD DE PANAMA, Panama- Presidente di Panama diaranson a declara un dia nacional despues cu e pais a logra su clasificacion pa Copa Mundial. E prome den su historia.
Juan Carlos Varela a skirbi ariba su cuenta di Twitter: “E voz di pueblo a wordo scucha. Diaranson ta un dia nacional”.
E ekipo nacional a derota Costa Rica cu score di 2 pa 1, durante e partido celebra diamars anochi na Ciudad de Panama.
E presidente a bisa cu tanto sector publico como sector priva lo ta liber y tambe scolnan lo ta cera.
Den un serie di tweetnan excitante, el a share un potret di su mes, firmando e decreto, agregando ” Boso merece”.
Panameñonan a celebra nan victoria te den oranan laat di anochi.
Sinembargo, tin un disputa tocante si e prome goal a pasa e liña.
For di 1978 Panama ta buscando su clasificacion pa Copa Mundial di Futbol, pero nunca el a logra esaki.
E pais lo competi den e Copa Mundial 2018, cual lo tuma luga na Rusia. E competencia lo cuminsa na Juni.
Merca tabata den e mesun grupo clasificado di Norte y Centroamerica, pero no a logra clasifica despues di a perde contra di Trinidad y Tobago, cu tabata para na e ultimo luga.
Mexico y Costa Rica ambos tabata exitoso y Honduras lo mester hunga contra Australia.
Fuente: http://www.bbc.com