MEXICO CITY, Mexico – Anochi e rescatistanan Hapones a bandona Mexico despues di a yuda cu nan conocemento na cientos di afectado pa e temblor, pero nan no por a bay sin un recuerdo hopi mexicano, “un sabroso Pan de Muerto.”
E Embahada di Hapon na Mexico a publica riba su cuenta di Facebook cu e dia anterior na aeropuerto, un señora a obsekia e Ekipo Hapones di Auxilio pa Desaster, algun pakete cu e tradicional pan.
“Nan a ricibi’e como muestra di gradicimento di e Mexicanonan cu a bay dispidi di nan,” e canciyeria a skirbi.
E pasaheronan cu tabata tey anochi na e aeropuerto internacional di e Ciudad di Mexico, a dispidi di e rescatistanan Hapones cu un coro di aplauso.
E lider di e ekipo Hapones di Auxilio pa Desaster, Toshihide Kawasaki, a informa cu e brigadistanan Hapones a caba cu nan labornan di rescate den e zona siniestra di e Ciudad di Mexico, di cual nan lo a regresa nan pais.
Atrabes di un video riba Twitter di e Embahada di Hapon na Mexico, e brigadista a duna danki pa e “inumerabel voznan di animo y di gradicimento di parti di e pueblo y e Gobierno Mexicano.”
“Amigonan den adversidad, “cuates de verdad,” a bisa den su mensahe na Spaño y a finalisa cu un emotivo “Fuerza Mexico.”
Fuente: http://www.eluniversal.com.mx/