OPINION PUBLICO
Siman pasa criminalnan a drenta palo marga y practicamente a bay cu tur e wayanan di coriente cu ta conecta e palonan di luz cu ta ilumina e pista. Polis a wordo poni na altura y denuncia a wordo haci. Despues di no a tende nada mas di cuerpo policial boluntarionan di palo marga mes a cuminsa move rond y a bin topa no mucho leu cu e restonan di e wayanan cu a wordo kima pa asina e plastic wordo separa di e waya di koper pa asina nan wordo bendi. si e boluntarionan mes por a haya e resto di wayanan aki no mucho leu di palo marga, dicon polis no por a haya esakinan?
No ta un secreto ken ta cumpra coper aki na Aruba, y si aangifte a wordo duna kico Cuerpo Policial ta warda pa nan actua?
Ley ta bisa cu esun cu cumpra cos horta ta mesun culpabel cu e ladron, pa kico un deporte tin cu sufri pa asina un comerciante sigui bira rico cumprando cos horta y ningun autoridad ta haci net net nada!