Diahuebs anochi coriente a bay na gran parti di Mahuma, Seri Tijshi, Papilon, Sabana Grandi y algun area mas. Esaki ta relaciona cu un candela a cuminsa na un palo di luz cu wayanan di cabel di alto voltahe cu transformer riba dje. Pero na e partinan ariba e candela a cuminsa y esaki a causa un fayo riba e red di coriente y a laga basta area sin coriente. Personal di Elmar a drenta servicio di biaha ora nan a keda notifica door di habitante. A manda brandweer pa yuda paga e candela despues cu a segura cu e area no tin coriente mas. Personal di brandweer a paga e candela completo pa asina personal di elmar por haci nan trabou necesario unda a manda trucknan pa e sitio y personal bay halto pa observa e daño y despues di e trabounan duna e barionan bek coriente.