Tabata 51 aña pasa, defunto Jan Eman a cuminsa cu e compania cu a cuminsa den caya grandi, caminda cu La Linda ta situa awo. Segun Ethan Wong, managing Director di Palmera Quality Products, a celebra e aniversario cu e compania ta existi y tambe ta celebrando un cambio den e logo y un cambio tambe di tur e liña y productonan cu tin.
Awendia e ta wordo maneha pa Ethan Wong y su ruman muhe.
Segun Wong, e nomber no a wordo cambia, solamente e logo ta cambia, e color ta cambia, e lettering ta cambia, pero e producto no ta cambia. E calidad y e producto ta keda mesun cos. E sabor ta keda mesun cos, solamente e labelnan ta haya un refreshment y e logo di e compania ta wordo renoba.
Hopi hende conoce e luga conoci como Rum Palmera, pero awor aki ta bay desfile como Palmera Quality Products. Nan ta un compania cu tin 61 producto cu ta wordo mescla eynan localmente y e cambio a bin diasabra anochi.
Wong a splica cu tin 5 liña awor aki. Uno ta di rum, ta bay desaroya e liña di Palmera Spirits. Tin e liña di Palmera Liquor, tin e liña di Palm Mix, cual ta bebidanan mescla, solamente pa tira juice cu ijs y e liña no alcoholico ta liña di Sabrosa, cual ta bin den colornan cora, berde cu blauw.
Ta riba pipeline pa den futuro amplia nan portfolio cu biña, champagne y cerbes.
Den e proximo luna lo bay ta mas riba social media, tambe como den corant, television pa pueblo en general y como turista tambe conoce e liña di producto mas ainda.
Diasabra anochi a celebra nan logo nobo. Full un imagen nobo pa e compania y mas moderno. Tambe a splica unda mas nan lo bay den futuro.
E lema cu nan tin actualmente pa nan tambe considera hende pa bebe responsabel. Como compania cu ta bende productonan di alcohol, ta concientisa hende tambe pa bebe responsabel y tambe pa hendenan core responsabel, Wong a finalisa.