TEL AVIV, Israel- Un homber Israeli di 40 aña mas o menos a wordo hinca mata dialuna pa un terorista Palestino na e entrada di Ariel, Cisjordania. Esaki a wordo confirma door di fuentenan medico y di siguridad. E atacante ainda ta profugo y ta wordo busca pa autoridadnan.
“Polis a responde na e atake di hincamento den e ciudad di Ariel. Un Israeli a keda herida di gravedad. Unidadnan ta buscando e terorista Palestino den e zona”, e vocero di e forsanan di siguridad, Micky Rosendfeld a señala.
Despues, autoridadnan a raporta cu e victima a wordo traslada pa hospital, pero e no a sobrevivi na e heridanan.
E servicio di emergencia Maguen David Adom (MDA, Strea di David Cora, ekivalente na Crus Cora) a informa den un prome momento di ta tratando un herido di gravedad despues di un informa di un atake.
Despues di e atake, e prome minister Israeli, Benjamin Netanyahu, a manda su condolencianan na e famianan di e victima. “Forsanan di Defensa ta den persecucion di e culpabelnan. Ta momentonan dificil. Mi tin fe den e agentenan cu nan ta realisando un trabao excelente”, el a agrega.
Fuente: https://www.infobae.com