Pakico Minister Lopez-Tromp no kier firma e ley na beneficio di e tiradornan di pisca?

Cu masha asombro a tuma nota di e declaracionnan di Minister Romero durante e conferencia di prensa di awe, caminda e mester a sali duna clarificacion riba e asunto di piscamento na Parke Marino. Cual esaki a sosode basa riba un comunicado di prensa cu FPNA a manda pa prensa, unda cu nan ta duna di compronde cu e Minister di Sector Primario lo a publica informacion robes, y di cual sr. Chris Romero a sali pone FPNA na nan lugar y a mustra con e ta hibando su lucha na beneficio di e piscadornan.

Conferencia di Prensa di Gobierno | 2 Juli 2020

Conferencia di Prensa di Gobierno | 2 Juli 2020

Posted by Gabinete Wever-Croes on Thursday, July 2, 2020

Pero den su conferencia di prensa Minister Romero a wordo puntra tocante e asunto di piscamento cu harpun. Y aki ta unda cu Minister Romero a recorda cu su persona y su colega Bikker, ta purbando di keda cla di hopi tempo caba cu e ley di Spearfishing, pero cu tin un otro Minister cu falta pa firma. Y si nos pone 1+1 nos por compronde cu e Minister cu ta nenga di copera cu e gedoogbeleid aki di piscamento cu harpun, ta Minister Marisol Lopez-Tromp.

Esaki ta nifica cu tur e tempo aki Ministernan Romero y Bikker mester a sinta wanta zundra di e piscadornan danki na e falta di coperacion cu Minister Lopez-Tromp y su antecesor pa cu e gedoogdbeleid di spearfishing. Pero e parti mas critico aworaki ta cu den e momentonan di crisis cu nos ta pasando na Aruba, Minister Lopez-Tromp no ta mustra di ta solidario cu su pueblo. No mester lubida cu tin un porcentahe haltisimo di hende cu ta sin trabou na Aruba actualmente, pero tin di nan sa pisca cu harpun y por yuda nan mes financieramente door di eherce e practica aki. Pero si Minister Lopez-Tromp keda nenga di copera cu e gedoogdbeleid, con e kier yuda nos mesun hendenan? Nos ta den situacion di crisis y no ta momento pa haci politica cu asuntonan cu a bira esencial, manera cuminda!

Comments

comments