PUNTA CANA, Republica Dominicana – Autoridadnan Dominicano a decomisa 30 pakete di cocaina scondi den e bodega di un avion cu a yega aeropuerto Internacional di Punta Cana, provincia La Altagracia, procedente di Venezuela.
Agentenan di e entidad antinarcotico Dominicano, a atende e informenan di inteligencia, a bay over na e inspecciona un avion di un aerolinea Venezolano, cual nomber no a wordo divulga.
Despues di varios ora di inspeccion cu yudansa di unidadnan Canino, agentenan di DNCD, hunto cu miembronan di agencianan di inteligencia na aeropuerto di Punta Cana, a haya den un di e bodeganan di e avion pakinan di e substancia, cual peso ainda mester wordo determina, segun EFE.
DNCD y Ministerio Publico a cuminsa un investigacion amplio pa detene e culpabelnan den e caso aki y pone nan na disposicion di husticia.