Departamento di Impuesto ta recorda su clientenan di loonbelasting, BBO/BAZV, toeristenheffing, speelvergunningsrecht, bijzondere belasting verblijf (BBV) y bijzondere belasting op verhuurauto’s en verhuurmotorfietsen (BBVAM), cu por pasa busca e pakete
cu ta contene e formularionan di declaracion pa aña 2018. Mester pasa buscanan personalmente.
Contenido di e paketenan
Pa cada tipo di belasting menciona lo otorga 1 pakete cu ta contene 12 formulario di declaracion. Solamente e paketenan di loonbelasting ta contene 12 formulario di declaracion hunto cu 1 formulario di ‘Verzamelloonstaat’, 1 formulario di ‘Verzamelstaat opgaaf derden’, 1 Werknemersverklaring, 1 Loonopgaaf y 1 Opgaaf derden.
Na unda por busca e pakete?
Por busca e paketenan na e edificio anexo di oficina principal na Camacuri, na e local
banda di unda ta busca plach’i number di auto. Mester drenta na porta number 4.
E orario di servicio ta: 8:00 am –4:30 pm. Alabes ta conseha tur cliente pa bin cu e persoonsnummer di e empresa. Esaki ta pa facilita cu e proceso di entregamento di e pakete na e cliente ta bay mas lihe.
E conseheronan fiscal
E consehero nan fiscal por manda un lista di nan clientenan via e-mail:[email protected]
E conseheronan lo mester trece un carta di apoderacion di cada un di nan clientenan na momento di busca e paketenan.
Cliente cu no a registra ainda
Pa e clientenan (nobo) cu no a registra ainda sea pa loonbelasting, BBO/BAZV, Toeristenheffing,
Speelvergunningsrecht, BBV y/of BBVAM, ta bay un apelacion pa pasa na oficina di Departamento di Impuesto mas pronto posibel pa cuminsa cu e proceso di registracion.
Departamento di Impuesto ta haci un apelacion na tur cliente y consehero pa no warda te na ultimo momento, debi cu esaki por trece un fluho di cliente enorme, cu ta causa cu e tempo di espera ta bira mas largo.
E fecha final pa haci e declaracion y pago di luna di Januari 2018 ta 15 di Februari 2018.