NEW YORK, Merca – E actor y director Mericano Robert de Niro a bira un di e destinatarionan di un serie di paketenan sospechoso na Merca, segun e informe sin confirmacion oficial.
Segun New York Post a informa, fuentenan policial, e pakete tabata tin como destino un propiedad di e actor di New York, y tabata tin como afzender, “su mes”, cualnan tabata contene dispositivonan explosivo intercepta den e ultimo horanan den e pais.
Informenan ta indica cu propiedad di de Niro, un critico reconoci di e presidente Mericano Donald Trump, a wordo evacua durante un operacon policial, como tambe un edificio cercanco den e bario Neyorquini di Tribeca. Autoridadnan a retira e pakete cu yudansa di ekiponan specialisa.
New York Post inicialmente a ifnorma cu e destino di e pakete a coresponde na e residencia di e ganado di dos premio Oscar, pero despues a aclarea cu ta trata di un restaurant di su propiedad den e mesun zona.