Berlin, ALEMANIA- Polis di Berlin a detecta y retira un pakete cu material pirotecnico explosivo den e Ministerio Aleman di Finanzas. Esaki lo por a causa “heridanan di consideracion” na esun cu lo a habri esaki, segun Forsanan di Siguridad.
E pakete tabata contene un “mescla” manera ta wordo uza frecuentemente den e produccion di fireworks, segun un comunicado di e direccion di Polis di Berlin, cu a desaloha temporalmente e oficina di e minister, te ora cu autoridadnan a bay cu e pakete.