Sra. Clarianne Croes, Beleidsadviseur na Directie Volksgezondheid a pone enfasis ariba e hecho cu Gele Koorts no ta un malesa mes leve cu Zika, Dengue of Chikinguya. E sintomanan por ta por lo general ta bin despues di un par di dia.
Mayoria hende ta recupera di esaki, pero tin un 25% di hendenan ta drenta den e fase 2 di e malesa aki, cual ta wordo yama e fase toxico, unda cu e sintomanan ta bira severo, unda e keintura ta bira halto, sangramento pa nanishi y boca, esaki por hasta pone cu varios di bo organonan ta faya. E personana cu drenta den e fase aki, 50% ta muri den un periodo di 7 pa 10 dia. E ta eigenlijk un malesa cu ta un tiki mas serio compara cu un dengue, un zika of chinkinguya. P’esey mester haci lo posibel pa esaki no kom voor na Aruba.
Pa papia ariba e maneho cu nan ta cuminsa exigi e vacuna aki di turistanan cu ta bin for di Honduras of Centroamerica mas bien. Mundialmente WHO y IHR ta recomenda esaki pa tur paisnan cu no tin Gele Koorts ainda pa cuminsa bin cu medidanan preventivo pa cu e malesa aki. E no ta un malesa cualkiera. A base di esey, na Aruba a cuminsa sinta cu tur e partnernan envolvi, manera Inmigracion cu lo mester bay controla esaki. Tambe ATA, cu ta yudando DVG cu tur e informacion internacional pa loke ta e trata e maneho nobo aki, segun Sra. Croes a bisa.
Tambe nan ta traha cu Directie Luchtvaart pa e aerolineanan, Directie Buitenlandse Betrekkingen, pa e proceso nobo cu ta bay cuminsa per 1 di Maart 2018. Esaki ta loke cu Aruba ta haciendo pa loke ta e caso di Gele Koort, pa evita esaki. Ariba e pregunta di con Aruba ta bezig ta deal cu e otro paisnan por garantisa cu no tin hende ta sali cu e virus aki di nan, Sra. Croes a splica cu e preocupacion mas grandi ta Venezuela, ya cu tur otro pais cu mester tin e malesa, tin e vacuna, cu excepcion di Venezuela. DVG tin contacto cu e otro paisnan pa wak con nan ta acata e problema di Gele Koorts na nan pais, via World Health Organisation y via IHR, cu ta un network di e islanan den Reino, e tema aki ta wordo trata, segun Sra. Carianne Croes di Dienst Volksgezondheid.