Microsoft a confirma cu e lo sigui ofrece su programa grafico di Paint na su usuarionan.
Den un update mas reciente, Microsft a pone Paint como un caracteristica cu lo wordo kita of cu lo no tin mas desaroyo.
Paint, conoci pa su simplicidad, a forma parti di Windows desde su inicio na 1985.
Aunke Paint ta wordo considera como un programa modesto compara cu otro alernativanan gratuito di edicion di imagen, e compania funda pa Bill Gates a admiti cu “despues di 32 aña, MS Paint tin hopi fanatico”.
Microsoft a sigura usuarionan di Windows cu e mitico programa di pintamento y editing di imagen, Paint, lo sigui bibo. Riba su blog, e multinacional di informatica a señala cu Paint lo wordo manda pa e application store den Windows Store, una cu lo por download e programa aki gratis.
“Ms Paint t’ey pa keda, solamente cu e lo tin un cas nobo, den Windows Store, unda cu e lo ta disponibel, totalmente gratis”, e compania a enfatiza den nan blog.
Ademas, Microsoft a anuncia cu un parti di su funcionnan di programa di edicion di imagen lo wordo incorpora den e programa Paint 3D, cu a wordo lansa den primavera 2017 di Windows 10. E obhetivo principal di Paint 3D ta di traha cu modelonan tridimensional.
Fuente: www.bbcmundo.com