Recientemente, durante un programa di opinion na un radio emisora local, dos persona a tilde pastor Jairo Maduro di ta ladron. Pastoor Jairo ta elabora ariba esaki.
Segun pader Jairo, semper mester wak di unda e comentarionan ta bin ya cu e personanan aki tin problema cu pader Jairo su forma di predica. Clero semper, den tempo di antes y awo, tin cu vocifera su opinion.
E personanan na cual pader Jairo ta referi ta John de Haseth y Rocky Kelly, cu no ta personanan desconoci na Aruba. Ta personanan conoci pa ta bay radio y lastra hende. Y aworaki nan ta lantando cabes atrobe. Y nan a bay asina leu di bisa cu pader Jairo a colecta placa na parokia di Brazil pa asina cumpra e ekiponan di transmision. Cual pader Jairo ta nenga rotundamente.
Pader Jairo a sigui bisa cu semper el a inclina pa e asunto di medio di comunicacion, ya cu el a sinti esey fuerte den su vocacion.
Semper nan a tild’e di loco. Pero semper el a tende di consehonan ricibi y cu yudansa di varios hende el a logra yega na su camaranan SD.
Y a logra yega hasta na un truck. Cual ta algo inusual ya cu con por ta cu pastor tin truck. E ta enfatisa cu e truck no a wordo cumpra cu placa di parokia. Aworaki nan ta transmiti HD na canal di television.
Awor cu dos persona ta bin tilda pader Jairo di ladron, di cu e mester laga e auto na parokia di Brazil, ya el a wordo cumpra cu placa di parokia. Segun pader Jairo, e dos personanan aki no ta haciendo absolutamente nada pa nan mes.