Pader Jairo Maduro no ta un pastoor desconoci den nos comunidad. Un pastor Arubiano cu a traha den exterior como pastoor algun aña y despues a bin labora na su isla bek. Awe e ta recorda su di tres lustro sacerdotal y kier celebra esaki cu e pueblo di Aruba.
Pader Jairo ta expresa su amor y gratitud pa e yamada pa ta un sirbidor di Dios. na 2004, el a wordo ordena como pastoor na Misa di Fatima na Dakota y a bay di biaha pa sirbi Bisdom di Orianato Militar di Venezuela. Eynan el a sibri 5 aña, den diferente funcion, manera Kapelaan Militar, director di Formacion Humano den Seminario y tambe diferente cuartel militar bou di su huridiccion pa atende pastoralmente.
Despues cu Venezuela a bira un situacion dificil, ela pidi pa bin bek. El a haya su prome parokia, esun di Brazil. Eynan el a traha 8 aña di dushi tempo. Den 16 luna cu el a yega nan a yuda restaura e misa. A logra pone misa na television. Djey obispo a mira e necesidad di pa pader Jairo bay un parokia mas grandi, y el a bay parokai di Santa Cruz
Aki pader Jairo ta trahando na un parokia mas grandi, cu su retonan, cu su custumber y tradicion, pero tur cos ta bayendo bon.
Pader Jairo a ricibi su ordenacion como sacerdote riba e mesun dia cu el a cumpli su 33 aña. E dia e ta un celebracion di bida. Tabata añanan di reto, pero añanan di satisfaccion.
Dia 31 di juli lo tin un Sacrificio di Misa di celerbacion, caminda cu Msgr. Secco lo ta na Aruba y tambe lo comparti e dia aki, cu su coleganan sacerdotal. Despues di misa lo tin oportunidad pa comparti un celebracion chikito dilanti di misa.
