Diadomingo, dia 30 di september 2018, Pader Bernadino ta celebra Santo Sacrificio di misa na Dakota, pa 10 or di mainta.
Pader Bernadino Correia de Andrade a traha mas cu 30 aña na Califoronia E.U. Un pader cu hopi vitalidad ta hiba un bida di misionero. E ta hopi activo pa su edad halto. Siman pasa a celebra Santo Sacrificio di misa na Primavera unda hopi hende a asisti. Remarcabel ta cu hopi mayor cu nan yiunan a asisiti. Su homilia ta basa riba evangelio cu ta loke nos ta biba awe. Amor pa prohimo, pa e miles di refugiadonan cu mester a bandona nan pais, pa tene compacion y resa pa nan. Na final di misa, Pader Bernadino a yama tur mucha p’adilanti riba altar. Yen di debocion pader Bernadino a duna splicacion cu cada mucha ta haya un hostia no consagra.
E muchanan ora yega nan edad di ricibi, ya nan ta comprende cu aki poco tempo mas nan ta ricibi un hostia cu ta Curpa di Hesu-Cristo mes. Cu ta un previlegio pa ricibi Curpa di Hesu-Cristo. Ta invita tur famia Portugues riba e isla y pa ta presente na e Santo Sacrificio di misa na Dakota cu su Patrona ta La Birgen di Fatima.
Misa di Diadomingo ta un dia warda, un ora pa scucha palabra di Dios y ta un comunicacion cu nos Tata cu ta stima nos y hasta a muri pa nos debilidadnan. Pastor Spzila a invita pader Bernadino pa ofrece e Santo Sacrificio di misa aki den su parokia.