LAS VEGAS (AP) — Manny Pacquiao diasabra a demostra cu ainda e tin hopi pelea pa bay a pesar di cu ya e tin 40 aña.
Si su triunfo dominante riba Adrien Broner lo duna e revancha contra di Floyd Mayweather, esaki ainda no ta conoci.
Cu Mayweather siguiendo e pelea di cerca, Pacquiao a mustra cu ainda e tin su mesun velocidad di semper, den un victoria unanime di 12 round riba Broner pa facilemente retene su titulo di campeon den peso welter. Esaki tabata su di 61 triunfo den e careara remarcabel di e Filipino, ganando fahanan den ocho categoria diferente.
Y el a descarta cualkier idea di retira despues di 24 aña como profesional.
“E biahe di Manny Pacquiao lo sigui”, el a bisa.
Den sun prome pelea despues di a cumpli 40 aña, e senador di Filipinas a impone su mes den un decision desekilibra dilanti un publico cu a celebra cada un di su moketasonan. Aunke cu e decision nunca tabata den duda, Pacquiao a presiona segun e pelea tabata avansando pa logra un knockout, sin logra esaki.
Dos hues a vota 116-112 pa Pacquiao, mientras cu un di tres a dun’e 117- 112. A pesar di cu e no tabata un knockout, Pacquiao a conecta e golpinan di mas fuerte. Den e di shete y di nuebe round, el a sorprende Broner cu fuerte moketasonan cu a pone Broner hala patras. Broner, di su banda, a pasa mayoria di e anochi, buscando un movimento grandi cual nunca a yega.