Na e momento aki Universidad di Aruba (UNA) tin un programa cu ta yuda e studiantenan logra pasa nan estudio mirando cu hopi di nan ta pasa den momentonan dificil pa logra caba UNA. Sr. Glenn Thode, rector di Universidad di Aruba ta amplia ariba esaki.
Den pasado a desaroya un plataforma di intercambio tambe na Aruba pa asina cu si studia na aruba mes toch por intercambia internacionalemnte, haya poco experiencia pafo di Aruba. Y tambe haya e experiencia cu bo por tin diferente perspectiva si pone otro universidad. Ta mira cu no solamente studiantenan cu ta bay afo, perso esunnan cu ta bin tambe, cual ta basta halto toch tin dificultad pa ta exitoso di biaha den e atmosfera academico cu e universidad ta ofrece y ta rekeri di nan. Pa e motibo ey UNA aña pasa a lanta un programa Academic Foundation Year y e programa aki aworaki ta e prome aña cu nan a draai, e ta un programa cu ta duna un certificado na final y e tin 4 pilar. E idea ta pa certifica cu e muchanan cu drenta e programa aki haya un miho fundeshi, den e conocemento, e skillset, e actitud cu ta wordo rekeri na Universidad pa ta miho prepara pa ora di bay studia na un Universidad, sea na Aruba of Merca of Europa.
Sr. Glenn Thode, ta kere cu nan por yuda reenforsa e programa aki. Cerca nan tin un grupo di studiante ta bin cu esey un poco debil. Tambe a ripara cu hopi biaha, kisas un di e rasonnan cu hopi hende ta cay afo ta pasobra por ta nan no a scoge algo cu ta fit nan na Hulanda, of den nan estudio superior. Sr. Thode a splica cu e mes a scoge un cierto estudio dia el a bay afo, pero despues el a bin descubri cu e estudio ey no tabata pe y e mester a stop cu e studio ey. E tabata un drop out, el a bin bek y el a bay traha banda di beach. Danki na Universidad di Aruba cu el a haya un otro oportunidad pa el a caba su estudio di Ley.
Ta jammer cu hopi mucha mester bay afo, segun Sr. THode, pa nan descubri kico ta pas cu nan of no. E Academic Foundation Year ta ofrece na nan un oportunidad tambe pa nan proof di diferente disciplina. Tin un academic experience hinca den e programa y nan por wak si kisas tecnologia ta algo pa nan of no, wak si tin algo si Ley ta algo pa nan of no. Si un estudio mas den business ta fit pa nan of no. UNA ta duna nan diferente oportunidad pa proof pa asina nan por sinti cu nan experiencia y e speransa di UNA ta e ora, cu unabes nan scoge pa e programa di educacion superior, cu nan kier sigui den dje cu
Idioma ta keda un reto grandi pa UNA yuda e studiantenan cu ta bin studia cerca nan paso keto bay e Hulandes ta keda un reto pero e Ingles ta mas facil pa nan segun Sr. Glenn Thode. Mita di nan programanan actualmente ta na Ingles, y por a ripara cu hopi di e hobennan na Aruba tin un preferencia pa Ingles. Nan programa Academic Foundation Years ta na Ingles, pero e ta parcialmente Hulandes, di moda cu e persona por sinti kico ta pas cun’e. Sr. Thode ta kere cu e principio cu e problema no tanto ta e problema pero mas bien e preparacion di comunica den idioma.
Ya caba e prome experiencia di Academic Foundation Year ya tin un semester tras di lomba y papiando cu e docentenan, loke a sobresali ta cu tin e debilidad den comunicacion. E dificultad di abstrae di algo concreto pa algo mas abstract, den estudio academico ya caba tin cu traha cu conseptualisacionnan tiki mas abstract. Ya caba a nota cu uza e idioma y comunica den esaki den loke bo ta compronde visualisa, di un of otro forma, conceptualisa den mente y comunica esaki cu otro, debati, discuti, esaki mester un tiki mas reenfuerso den nan, segun Sr. Glenn Thode, rector di Universidad di Aruba.